اصحى يا مصري وفوق
ودور ع المسروق
ياللي بتسهر ليلك
تبني ف مجد لغيرك
صبرك مش ح يفيدك
ولا ح تلاقى شروق
عدوك جوه حدودك
ضيع كل حقوقك
قرب يمحي وجودك
بخفة وحنكة وذوق
وانت بقوة ضعيف
راضى بنص رغيف
مربوط من غير تكتيف
والخوف ف رقبتك طوق
أخرج برة مكانك
إكسر ايد سجانك
حرر بيك أوطانك
لو ح تموت مشنوق
بكره ح يجي حزين
كاره فيك اللين
ياابن الأرض الطين
اطرح ياللا الشوك
ياللي بتسهر ليلك
تبني ف مجد لغيرك
صبرك مش ح يفيدك
ولا ح تلاقي شروق
مؤسس المدونة
0 التعليقات:
إرسال تعليق
رجاء تجنب استعمال التعليقات خارج سياق النص