كده ياحبيبي تسيبنى حزين
مايكفيني بكايا سنـين
كنت استنى عليا شوي
ألحق حتى أقول الأي
أبكى ف حضنك عمرى الجي
وما يكفينى بكايا سنين
كان حلمك أجمل أحلامي
كنت النور فى ضلام أيامي
كنت الصدق الحر الدامي
كنت وكنت وكنا اتنين
ونا معرفش أكون اتنين
روحك بترفرف حواليا
ونا معرفش الجنة منين
ملعونة الدنيا القلابة
تغدر بك بنت الكدابة
من قبلك غدرت بزعيم
كنا معاه رافعين القامة
ملعونة الدنيا القلابة
دنيا كلاب ووحوش وديابة
دنيا بتبقي على الخاينين
وبتخطف أطيبنا طيابة
ونا معرفش غير انك طيب
بطبطب على قلبى الطيب
من غير كدب وغش يشيب
آاه يا حبيب الروح والعين
أنا راحل مثلك مشنـوق
على حبل وطنا المسروق
على عتبة بيتنا المخنوق
وصي عليا الحور العين
أنا راحل مثلك يا حبيبي
أنا راحل مثلك يا طبيبي
أنا راحل مثلك يا رفيقي
مين ح يطبطب غيرك مين
كده يا حبيبى تسيبنى حزين
مايكفينى بكايا سنين
كنت استنى عليا شوى
ألحق حتى أقول الأي
أبكى ف حضنك عمرى الجي
ومايكفينى بكايا سنين
______________
مؤسس المدونة
0 التعليقات:
إرسال تعليق
رجاء تجنب استعمال التعليقات خارج سياق النص