مين قتل خالد البانجو ولا الضرب؟
ولا قانون للطوارئ فوق رقاب الشعب؟
ولا حيتان المجالس اللى نجحت غصب؟
ولا غياب العدالة ف الزمان الصعب؟
مين قتل خالد واتهمه اتهامات؟
وكسرله فكه وشوه وشه بالكدمات
وف تلت ساعة صبح ميت مع الأموات
جبروت وقهر ونفوذ وكذب ف البيانات!
اللى قتل خالد زمان الظلم والتزوير
فقدنا فيه الأمل وسجدنا للباشوات
مين قتل خالد وسابه ف الطريق مقتول؟
ومين سحل جثته ف الأرض عرض وطول؟
والأمن ليه ف البلد طايح وزى الغول؟
ومجلس الشعب ليه عن شعبه مش مسؤول؟
اللى قتل خالد قتل مليون خالد تانى
ولبّس الناس حداوى وبردعة وديول
_____________________
سيد أحمد الهمشرى- الإسكندرية
مؤسس المدونة
0 التعليقات:
إرسال تعليق
رجاء تجنب استعمال التعليقات خارج سياق النص